Blendi Gonxhja, ministri i Ekonomisë, Kulturës dhe Inovacionit, i ftuar në studion e “Off the Record” me Andrea Dangllin, në A2, deklaroi se është i gabuar krahasimi mes Sali Berishës dhe Edi Ramës në lidhje me kohëzgjatjen në pushtet.
“Është përrallë me mbret që si Sali Berisha, ashtu edhe Edi Rama, kanë nga 34 vjet në pushtet. Edi Rama ka qenë aty për të mbrojtur që në krye të herës që opozita e parë të ishte e vërtetë dhe të bazohej me një standard moral. Ai ka dalë, ka luftuar deri në rrezikimin e jetës, ashtu si unë, ashtu si Ndre Legisi dhe gazetarë, të cilët janë gjetur edhe të futur në dhe te liqeni deri në lartësinë e qafës. Ai nuk e mori veten kurrë. Në shtëpitë tona janë hedhur gurë, jemi goditur e jemi arrestuar. Mandati i parë i Ramës ka qenë me aleat, krejtësisht i kushtëzuar. Kemi pasur tërmet dhe pastaj 2-3 vjet pandemi. Janë vetëm 5 vite qeverisje që mund të identifikohen me Edi Ramën”, tha Gonxhja.
“Nga ana tjetër, kemi Sali Berishën, që nuk mund të krahasohet me Edi Ramën. Duhet të jemi seriozë. Nuk kanë lidhje me njëri-tjetrin as në cilësinë e qeverisjes, as në atë që kanë përfaqësuar në qeverisje, as në vitet që kanë qeverisur”, shtoi ministri i i Ekonomisë, Kulturës dhe Inovacionit.
/a.r
Kopili i Ramiz Alisë në Lëvizjen Studentore, farë hajdutësh të rilindur….Sali komunisti dhe Ram komunisti gjithmonë kanë qen bashkë në gjithë poshtërsitë dhe padrejtësitë që i kanë bërë popullit shqipëtar. LITARI dhe KONFISKIMI I PASURIVE brenda dhe jashtë vendit, JANË ZGJIDHJA PËR TË DY.