Deputeti i PS-së, Bashkim Fino ka qenë i prerë, kundër raportin të shumicës në përfundim të hetimit parlamentar për shkarkimin e presidentit, e që përcaktonte se nuk ka shkelje të rëndë që të justifikonte shkarkimin e tij.
Gjatë fjalës në seancën e sotme, Fino, theksoi se në raportin final dy janë opsionet ëpr votim, pro shkarkimit të presidentit, apo kundër shkarkimit të tij dhe asgjë tjetër, sic konstaton raport, që sipas tij, më shumë se arsyeton, i vjen vërdallë cështjes sikur japim opinion për një projektligj të zakonshëm.
“Me atë raport në nisje të komisionit hetimor të ngritur për shkarkimin e Metës, ne bindëm veten dhe shqiptarët për nevojat e nisjes së procedurave për shkarkimin e presidentit, u ngrit komisioni për ta shkarkuar jo për ta analizuar sjelljen presidenciale, nuk ngremë struktura për t’i vënë notë në sjellje presidentit”-tha Fino.
Deputeti socialist eshte shprehur ne vijim te idese se tij se Presidenti e ka cilesuar mazhorancen nje grup te strukturuar kriminal!
Analiza e raportit sipas Finos, duhet të kishte në thelb atë që do kishte ndodhur, nëse kuvendi do të kishte pranuar cdekretimin presidencial të formatuar si vullnet i opozitës për anulimin e zgjedhjeve.
“Përfytyroni si do ishte vendi deri sot në korrik të 2020 deri sot nëse vendi nuk do kishte zhvilluar zgjedhje lokalet. shikoni Shkodrën e do kuptoni si do ishte vendi sot, një kryetar bashkie me kushtetutë votohet në 4 vjet, sot ne kemi kryetarë bashkie që vazhdojnë mandatin pas 4 vjetëve, dhe sa do vazhdojë kjo, nuk e di e dini ju që keni paraqitur një raport e thoni që shkeljet nuk janë shumë të rënda.
Opozita do kishte marrë peng demokracinë, te pasoja e dëshiruar qëndron shkelja e rëndë dhe faji kushtetues ky ishte interpretimi dhe analiza politike që i takonte kuvendi ta bënte mes komisionit, më pas shumica duhet të priste me mirëkuptim interpretimin e Kushtetueses.
Sot ky komision është mbledhur me propozim për masë disiplinore vërejtje me shkrim për shokun Ilir Meta, madje propozon një ligj organik për presidentin.
Nuk e pranoj se kam dinjitet personal dhe shumë vite në politikë, dinjitetin e mbroj fort, nëse jo, të kam ty, nëse nuk e mbron ti, e mbron Taulanti e ministrat e kryeministrat, dinjiteti i politik ështe i të gjithëve, por ai personal duhet të ngrihet mbi këtë dinjitet politik.
Fino i ka ftuar kolegët të bëhen seriozë. “Unë ju ftoj të bëhemi serioz, të votoni ose pro, ose kundër asaj që kemi vënë si objekt, kaq janë opsionet tona, nuk ka të tjera, dy vendime të qartë e të prera, pro, ose kundër, e nisëm më shqyrtimin e cështjes me objekt shkarkimin e Ilir Metës, nuk mund ta mbyllim duke e modifikuar me vërejtje per zotin Meta si President”
Pa e kursyer ironinë, Fino ka thënë në fund: Ne sot duhet ti paraqesim Kuvendit opsionin e shkarkimit apo jo, por jo me rezoluta me detyra për ne, nëse jemi kundër madje ti kërkojmë edhe falje se mbase e kemi stresuar, dhe nga stresi që i kemi bërë dhe shumë vendime të tij nuk kanë qenë të qarta dhe është kthyer në opozitë presidenciale.
Ju kujtoj se cfarë ka thënë Presidenti, foli për grup kriminal që zhvilloi zgjedhjet, pra ne ishim grupi kriminal që bëmë zgjedhje, ndaj ne nuk mund te përgjigjemi si grup kriminal i marrë peng nga presidenti, ju ftoj sinqerisht të reflektojmë para se çështje të vetohet.
/a.r
