Përplasja në PD/ PDIU nis negociatat me deputetin Astrit Veliaj
Partia për Drejtësi, Integrim dhe Unitet është në tratativa për të tërhequr në radhët e saj deputetin demokrat, Astrit Veliaj.
Negociatat vijnë pasi deputeti i PD në qarkun e Beratit, kritikoi para disa ditësh lidershipin e selisë blu. Në një intervistë dhënë për një të përditshme Veliaj kritikoi Lulzim Bashën se s’ka forcën dhe lirinë e duhur, për t’u shkëputur nga e shkuara dhe për të drejtuar PD-në sipas mënyrës së tij. Në këto kushte, sipas tij, lipset si domosdoshmëri që ai t’ia kthejë PD-në liderit të saj historik, Sali Berisha dhe vetë të themelojë një parti të re. Ndërkohë që qëndrimet e tij sollën reagime të ashpra të zyrtaravë demokratë, ndërsa një pjesë mediash pranë opozitës hodhën hipotezën se Veliaj do të shkonte tek Lëvizja Socialiste për Integrim. Por vetë Veliaj e hodhi poshtë këtë fakt, ai deklaroi se vota e tij në Kuvend do të jetë për PD-në dhe se nëse e përjashtojnë, ai do të jetë i pavarur.
Por duke parë përplasjet e tij me vijën zyrtare të Partisë Demokratike, eksponentë të PDIU-së kanë nisur negocitatat me deputetin demokrat, që në rast largimi të tij nga PD, ai të hyjë në radhët e grupit parlamentar ccam në Parlament.
