Pas protestës së një ditë më parë që Partia Demokratike zhvilloi te Parku i Liqenit, organizatorët e protestës dhe drejtues të PD, janë marrë në pyetje sot në komisariatin nr.1.
Ndriçim Babasi, kryetar i Partisë Demokratike në njësinë numër 5 në kryeqytet, është paraqitur sot në komisariatin numër 1 të policisë për t’u pyetur në lidhje me protestën e zhvilluar dje tek Liqeni, ku pati përplasje mes policisë dhe protestuesve.
Babasi ka shkuar në Komisariat për të dhënë dëshminë e tij i shoqëruar edhe nga Sajmir Mulgeci, kryetari i njësisë 9 të Partisë Demokratike.
Mësohet se dy drejtuesit e PD, edhe pse kanë dhënë dëshmitë e tyre, po mbahen në ambientet e komisariatit nr.1 në kryeqytet. 
Dje u acarua sërish situata mes policisë dhe protestuesve, pasi këta të fundit kundërshtojnë vijimin e punës për ndërtimin e një këndi lojërash tek Liqeni. Shqiptarja.com
