Eksperti i sigurisë rrugore, Fisnik Ziçishti ka folur për aksidentin masiv të një dite më parë, tek “Ura e Tajvanit”.
I ftuar në “Abc News”, tha se drejtuesi i autobusit nuk ka mbajtur korsinë e duhur dhe se duhet të kishte ruajtur distancën e sigurisë.
Vëmë re që autobusi nuk ka bërë një reagim me sistem frenimi për të ndaluar mjetin. Arsyet pse janë të shumta. Ngjarja është në hetim.
Dhe jemi në përgjigje të ekspertizës autoteknike. Çdo ngjarje ka një parandalim. Nuk kemi një ngjarje në kushtet e befasisë. Shikojmë mirë që mjetet qarkullojnë në rrugë, kujdesi duhet të jetë i shtuar dhe mund të ishte parandaluar.
Në vendin e aksidentit, kemi një korsi për lëvizjen e mjeteve urbane. Shikojmë që drejtuesi i mjetit nuk ka mbajtur krahun e djathtë, por edhe kur është afruar në stacion, nuk ka frenuar. Kjo duhet hetuar? Pra, a kemi një problem shëndetësor apo defekt teknik në mjetin motorik?
Mund të ketë humbur kontrollin edhe për shkak të një pasoje nga ana shëndetësore. Nëse kemi rënie sheqeri, fillojnë dhe humbasin gjërat. Duhen parë shumë gjëra dhe të vlerësohet situata”, u shpreh ai gjatë intervistës për “Tirana Live”.
/s.f
