Arrestohet në flagrancë një 34-vjeçar, i identifikuar me inicialet K. Ll., nga Policia e Vlorës pasi shkaktoi mbrëmë një aksident duke drejtuar automjetin në gjendje të dehur.
Policia njofton se i riu përplasi disa mjete dhe tentoi t’i largohej Policisë duke rrezikuar edhe jetën e efektivëve.
“U bë arrestimi në flagrancë i shtetasit K. Ll., 34 vjeç, i cili mbrëmjen e djeshme drejtoi automjetin në gjendje të dehur, përplasi disa mjete dhe tentoi t’i largohej Policisë duke rrezikuar jetën e efektivëve.
Gjatë hetimeve rezultoi se, përpara se të largohej me automjet, ai kishte dëmtuar edhe ekspozitorin e një lokali në lagjen “1 Maji”.
Pas shoqërimit të tij në Komisariatin e Policisë Vlorë, u krye arrestimi për veprat penale “Shkatërrimi i pronës”, “Kundërshtimi i punonjësit të rendit publik”, “Mosbindja ndaj urdhrit të punonjësit të Policisë”, “Largimi nga vendi i aksidentit”, “Shkelja e rregullave të qarkullimit rrugor” dhe “Drejtimi i automjetit në mënyrë të parregullt””, njofton policia.
