Prindërit e studentes 21-vjeçare që u aksidentua për vdekje në orët e parë të mëngjesit të 22 nëntorit nga 26-vjeçari shqiptar kanë vendosur që organet e së bijës t’i dhurojnë duke shpëtuar kështu shumë jetë të tjera. Ata e morën vendimin duke menduar për shumë të tjerë që ishin vetëm një ‘hap larg jetës’.
Duke folur për mediat greke babai i Emmanuelës tha se ajo ishte një fëmijë i mrekullueshëm që ka dashur gjithmonë të ndihmojë të tjerët prandaj dhe ata e morën vendimin e dhurimit të organeve. Ndërsa nënë e të ndjerës preku opinionin publik me postimin e ndjerë të bërë në rrjetin social Facebook.
“Udhëtim të mbarë shpirti im, deri në skajet e universit. Nuk po them lamtumirë dashuria ime por shihemi përsëri! Të dua deri në qiell dhe më tej dhe do të të dua sa të jem gjallë dhe të marr frymë” , shkruan në Facebook.
26-vjeçari shqiptar rrezikon të dënohet deri në 10 vite burg për aksidentin. Familja e 21-vjeçares ka kërkuar që ta referojënë ngjarjen jo si aksident por si vrasje pasi shqiptari ishte me shpejtësi dhe nuk ka ndaluar që t’i japë ndihmën e parë duke e lënë të gjakosur dhe në gjendje të rëndë në rrugë. Ngjarja e rëendë ndiodhi më 22 nëntor. E raja do të varroset në qytetin e saj të lindjes në Chania.
/e.d
