Dy automjete janë përplasur gjatë mbrëmjes në aksin Rrugor Kashar-Rinas, në afërsi të Aeroportit. Ngjarja ka ndodhur rreth orës 18.30 minuta ndërkohë drejt vendngjarjes u nisën edhe forcat zjarrëfikëse, pasi një prej drejtuesve të mjeteve mbeti i bllokuar. Sipas të dhënave, nga aksidenti ka humbur jetën gjatë transportimit në spital njëri prej drejtuesve të mjeteve, emri i të cilit nuk bëhet ende me dije.
Njoftimi paraprak i policisë:
Më datë 07.01.2016, në rrugën e Rinasit janë aksidentuar dy automjete.
Një automjet me targa AA686IT, me drejtues shtetasi me iniciale K. Ll, 31 vjeç, i cili është dërguar në spital për të marrë ndihmën e parë, është aksidentuar me automjetin tip Benz me targa AA 937 BK, i cili është permbysur si pasoje e goditjes dhe brenda tij gjendet drejtuesi i mjetit
Menjëherë në vendngjarje kanë shkuar forcat e policisë dhe po punojnë për zbardhjen e plotë të shkaqeve të aksidentit
