A e kupton dot kryeministri aktual shqiptar se çfarë fillon pas miratimit të saj?
Nuk ka rëndësi të dimë se çfarë kupton ose jo kryeministri shqiptar. E rëndësishme ështe të rendisim çeshtjet substanciale që duhet të zgjidhen pas miratimit të Reformës.
Ja cilat janë sipas nesh:
1.Drejtësia shqiptare në mungesë, ështe shkaku që në Shqipëri në 24 vjet nuk ka zgjedhje te lira. Mungesa e zgjedhjeve të lira ka penguar demokracine dhe drejtësinë në Shqipëri. Mungesa e drejtësisë me karakter të pergjitshëm ndërinstitucional, ka krijuar mundësinë e një absolutizmi të ri të prapambetur, patologjik, korruptiv dhe antiperëndimor në Shqipëri. Kjo ka sjellë si pasojë që, lufta kundër intelektualizmit shqiptar të vijojë njëlloj si nën regjimin komunist.
Me anë të kësaj kuptojmë se drejtësia e vendosur shqiptare do t’i japë fund absolutizmit mesjetar në Shqipëri dhe atiintelektualizmit si frymë orientale dhe si abuzim shtetëror.
2.Antiintelektalizmi ishte dhe kuptohet se është intencioni politik i Sali Berishës. Por ky qëllim parësor berishian që mbyti intelektualizmin që ne vitin 1992 në Partinë Demokratike, në një menyre apo në një tjetër, si një kompleks i transmetueshëm psikologjik, iu transmetua te gjithë jetës së vendit. Si rrjedhoje, edhe të gjitha partive të tjera politike, Universitetit të Tiranës, Akademisë së Shkencave, të gjithë instituteve shkencorë, nëntëdhjetë perqindi të të cilëve u suprimuan. Antiintelektalizmi berishian, me një logjikë relative, është i barabartë me antiintelektalizmin e Enver Hoxhës, i cili ka degraduar dhe po degradon në Shqipëri si një frymë antiperëndimore. Reforma do ta fshijë këtë frymë.
3.Drejtësi në këtë kohë do të thotë sundim i ligjit. Kjo në fakt është substanca e Reformës në Drejtësi. Nën sundimin e ligjit, në një vend demokratik, të gjitha institucionet politike duhet të japin drejtësi. Por, sigurisht që ketë e garanton vetëm gjykata. Si pasojë e kësaj, Shqipëria ka aktualisht nevojë për një reformë të thellë institucionale në sensin administrativ.
Injoranca qe pushton sot administratën shtetërore në mbi 60 përqind të saj, duhet eliminuar me Reformën Administrative, e cila duhet të jetë e ngjashme me Reformën në Drejtësi.
4 Abuzimi administrativ ka sjellë korrupsionin shtetëror. Fakti që në administratën shtetërore është identifikuar i njëjti fenomen korruptiv si ai i gjykatës, edhe forma e reformimit të administratës shtetërore duhet të jetë e njëjtë; me të njëjtat kritere eliminimi dhe përzgjedhjeje të administratorëve shqiptarë, si ajo që do të aplikohet në Reformën në Drejtësi: aftesia; profesionalizmi; dhe pakorruptueshmëria.
5.Substanca logjike, metoda dhe procedura e Reformës në Drejtësi, duhet të jetë precedenti ligjor për të gjithë reformën shqiptare: reformën institucionale; reformën administrative; dhe reformën në arsimin e lartë.
Metoda përzgjedhëse dhe përjashtuese e paraqitur nga amerikano – gjermanët në Reformen në Drejtësi, duhet të jetë edhe metoda zbatuese në reformimin e të gjitha institucioneve politike në Shqipëri.
6.Pas Reformës në Drejtësi, duhet të fillojë reformimi radikal i shtetit shqiptar, i cili ka 100 vjet që vuan nën vargonjtë e optikës politike mesjetare. Ligji dhe drejtësia pritet që të ndërtojnë intelektualizmin perëndimor në Shqipëri dhe frymën perëndimore të shtetit dhe të së drejtës.
