Finlanda e ka publikuar listën e futbollistëve të ftuar për ndeshjen e 5 shtatorit ndaj Kosovës, në kuadër të kualifikimeve për Kampionatin Botëror “Rusia 2018”.
Mirëpo, në listë nuk figuron emri i mesfushorit kosovar, Përparim Hetemaj.
Në qarqet e futbollit ka filluar të flitet se Hetemaj do t’i bashkohet Kosovës.
Burime të “Zërit” thonë se mesfushori i Chievos nuk do të luaj për Kosovën në ndeshjen e parë ndaj Finlandës, në shenjë respekti për të kaluarën e tij në ekipin finlandez.
Por, me gjasë do të luajë në ndeshjet tjera eliminatore të Kosovës. Hetemaj ishte kapiten i Finlandës dhe po gëzon formë të shkëlqyeshme në Chievo, citohet “Zëri”. (b.an)
