Shqipëria kaloi një situatë të vështirë si pasojë e përmbytjeve. Shtabi i Përgjithshëm i Forcave të Armatosura i ka drejtuar një listë të gjatë kërkesash NATO-s ku kërkonte ndihmë me materiale e sende për familjet e prekura.
Në dokument shihet se Shqipëria i kërkon NATO-s me urgjencë ura portable, varka, gjeneratorë, tenda, ngrohësa, ushqime për fëmijët e kafshët si dhe një sërë aksesorësh të tjerë për të përmbyturit.
Në dokument, përveç kërkesave të parashtruara janë vënë në dukje dhe dëmet e shkaktuara nga përmbytjet, konkretisht:
15 mijë hektare tokë të përmbytura,
4715 godina të dëmtuara dhe 41 biznese të shkatërruara,
127 akse rrugore, 177 shkolla, 78 ura, 30 stacione ujësjellësi, 11 diga, 26 stacione elektrike, 29 prita dhe një stacion pompimi uji gjithashtu të dëmtuar./Gazeta Express
