Presidenti i Shteteve të Bashkuara, Donald Trump, ka falënderuar aleatët amerikanë në rajonin e Lindjes së Mesme, përfshirë Izraelin dhe shtetet e Gjirit, për mbështetjen e tyre në mes të tensioneve të vazhdueshme me Iranin.
Në një fjalim të mbajtur të mërkurën, 1 prill, nga Shtëpia e Bardhë, Trump u shpreh se aleatët “kanë qenë të jashtëzakonshëm” dhe se administrata e tij nuk do të lejojë që ata “të dëmtohen apo të dështojnë në asnjë mënyrë”.
Presidenti amerikan falënderoi posaçërisht Izraelin, si dhe vendet e Gjirit si Arabinë Saudite, Katarin, Emiratet e Bashkuara Arabe, Kuvajtin dhe Bahrejn për bashkëpunimin dhe mbështetjen e tyre. Ai gjithashtu lidh rritjen e tensioneve dhe çmimeve të karburanteve me sulmet e Iranit ndaj vendeve fqinje dhe anijeve tregtare, duke nënvizuar se kjo tregon pse Irani “nuk duhet të ketë kurrë armë bërthamore”.
Deklaratat e Trump vijnë ndërkohë që konflikti i vazhdueshëm në rajon ka sjellë rritje të pasigurisë dhe tensionet diplomatike mes aleatëve amerikanë dhe Iranit.
