Partia Demokratike përmes deputetëve të saj Myqerem Tafaj dhe Jorida Tabaku ka vizituar këtë të martë pasdite komunitetin rob pranë bregut të lumit, ku ditën e dielë pati përmbytje të mëdha për shkak të tejfryrjes së lumit të Lanës.
Deputetët e opozitës i bënë apel qeverisë që të ndihmojnë këta banorë si më të prekurit gjatë reshjeve të së dielës.
“Pjesa më e madhe e këtyre familjeve është në një situatë tepër të rëndë dje dhe sot ku ne kemi qendruar pranë tyre gjatë këtyre ditëve të vështira. Këto familje jetojnë në kushte të vështira të strehimit dhe shkurtimi i fondeve për strehimin është një goditje e madhe për to. Siç e shikoni këto familje dhe femijët e tyre jetojnë në kushte të vështira. Kështu që kërkohet një ndërhyrje emergjente e qeverisë për të mbështetur këto familje por edhe për zhdëmtim për dëmet e përmbytjes së dy ditëve me parë. Po ashtu, këtyre familjeve duhet tu garantohen kushtet elementare të jetesës. Janë pa drita. Ju mund të shikoni vetëm si jetojnë banorët, dhe ne po u qendrojmë afër”, tha deputeti Tafaj.
