Ministria e Bujqësisë ka bërë një pasqyrim të situatës së përmbytjeve në veri të vendit, ku prej mëse dy ditësh janë shfaqur probleme si pasojë e reshjeve intensive të shiut.
Në Zadrimë janë rreth 300 hektarë nën ujë. Në zonën e Balldre-Torovicës janë rreth 400 ha nën ujë.
Për shkak të rënies së reshjeve në një territor më të madh në Zadrimë dhe Balldre, si dhe për shkak të tejngopjes së tokës me ujë, prurjet nga kanalet e ujërave të larta dhe lumenjve janë shumë më të mëdha. Kështu, lumi Drin është në kuotën 2 nga 2.2 që është pika kritike. Ndërsa në Talë, kuota është -1.75 nga -1 që është pika kritike.
“Në Lezhë dhe rrethina kanë rënë 64 mm shi, por nuk ka probleme të shtuara nga përmbytjet e dy ditëve më parë”, thuhet në një njoftim të ministrisë. Në zonën e Bregut të Matit dhe Barbulloje janë rreth 80 ha nën ujë, të mbetur nga përmbytja e mëparshme. Në Kurbin rreth 60 ha nën ujë, sërish nga përmbytjet e mëparshme
Pavarësisht situatës të tillë, nuk ka probleme me energjinë elektrike dhe hidrovorët, të cilët janë në gjendje pune.
