Kryeministri Edi Rama ka mbledhur sërish grupin e koordinimit të emergjencave, në kushtet kur moti i keq dhe reshjet e dendura kanë vijuar edhe këtë të mërkurë me intensitet të lartë. Në të morën pjesë një sërë ministrash, të cilët kanë folur për situatën në sistemin energjitik, atë të rrugëve, si dhe puna që po bëhet nga strukturat, përfshi dhe forcat e armatosura. Në fjalën e tij Kryeministri Rama tha se të gjitha strukturat janë në gadishmëri dhe do të vijojnë të jenë edhe ditën e nesërme, pavarësisht se pritet që situata me reshjet të përmirësohet dukshëm në krahasim me dy ditët e fundit.
Rama: Ju falenderoj të gjithëve dhe të gjitha strukturat.
Nga pikëpamja e punës së bërë prej strukturave të shtetit dhe në koordinim me strukturat e pushtetit vendor, është bërë një punë e mirë e një cilësie të paparë më parë. Sipas gjasave moti shkon drejt përmirësimit, situata do të jetë më e qetë, pavarësisht se angazhimi ynë do të jetë sërish maksimal
Ministri Gjiknuri: Po monitorohet rrjedha e poshtem e kaskadës së Drinit, deri tani nuk vihet re ndonjë problem pas vendimit për shkarkimin në digë.
Sistemi i tensionit të lartë ka funksionuar në rregull. Ndërkohë, situata ka ardhur duke u përmirësuar situata e energjisë elektrime. Në orët e fundit, numri maksimal i abonentëve që nuk kanë energji nuk është më i lartë se 20 mijë persona, ndërkohë që në mëngjes ishte rreth 60% më i lartë ky numër.
Ministria e Transporteve: Rruga tek city park ka patur probleme. Janë marra masa që të zhbllokohet nënkalimi atje. Në dalje të Librazhdit ka rënie dherash, por puna ka vijuar he situata është drejt normalizimit. Në kukës gjithashtu ka probleme të tilla por firma kontraktore ka nisur punimet për të pastruar rrugën.
Shefi i Shtatit të Përgjithshëm të FA, Jeronim Bazo: Forcat ushtarake të Kosovës u takuan me ne dhe shprehin mbështetje dhe solidarizimin e plotë me ne, në rast të përshkallëzimit të situatës./java/a.k
