Pas situatës së fundit, Autoriteti Rrugor Shqiptar ka bërë një raportim se cilat akse rrugore janë të kalueshme dhe cilat shfaqin problematikë.
Në rrugën e Dardhës në orët e para të mëngjesit, për shkak të temperaturave të ulëta, rekomandohet që nga km i 6, deri në km e 12 të qarkullohet me zinxhirë.
ARRSH bën me dije, se në segmentet rrugore, Ura e Kranës-Syri i Kaltër, Lukovë-Bunec, Librazhd-Elbasan, në Kalimash, km 107 dhe Shkopet-Ulëz, është ndërhyrë për të mbajtur nën kontroll këto akse për shkak të rënies së materialeve në rrugë.
Reshjet e dendura kanë sjelle probleme edhe në Vlorë. Rruga Vlorë-Orikum është shembur dhe për pasojë kalimi bëhet vetëm me një sens.
Gjithashtu gjatë natës, një pjesë e tokave bujqësore në Fushë-Krujë janë përmbytur. Ndërsa dalja e lumit Erzen nga shtrati ka izoluar 12 familje në Shijak.
Rrëshkitje masive të dherave, pas reshjeve të dendura të shiut, kanë përfshirë edhe disa lagje në qytetin e Gjirokastrës.
g.kosovari
