Të paktën tetë persona vdiqën dhe dy të tjerë rezultojnë të zhdukur për shkak të përmbytjeve në Turqi, në provincën Artvin në brigjet e Detit të Zi, njoftuan burime zyrtare.
Guvernatori i Artvin-it, Kemal Cirit cituar nga agjencia e lajmeve “DHA”, saktësoi se të paktën tri persona humbën jetën pas rrëzimit të një banese në qytetin Hopa.
Imazhet televizive të transmetuara në mënyrë të përsëriturtregonin pamje kaotike të lumenjve të dalë nga shtrati i tyre duke vërshuar kudo në rrugë dhe përfshirë automjete dhe autobusë.
Provinca e Artvin-it në kufi me Gjeorgjinë njihet si zonë me reshje të shumta shiu në mënyrë periodike.
