Romela Begaj ka reaguar pas publikimit të rezultateve të testit B, që e nxirrnin atë sërish pozitive me doping. Ajo ka mohuar kategorikisht që të ketë marrë substancën e ndaluar, duke u betuar para mediave edhe mbi Kuran. Begaj është përlotur teksa betohej dhe tregonte se ka fituar edhe në kushte kur mund të ketë qenë pa bukë.
“Kam marrë librin më të shenjtë e më të fuqishëm në botë sot që është Kurani. Besoj deri në ditën e fundit, betohem para flamurit, popullit tim. Unë kam një emër Romela Begaj. Duart e mia se kanë prekur kurrë atë lloj substance. Betohem për Kuranin dhe dy njerëzit më të shtrenjtë, se gjithë medaljet i kam marë me gjak, me bukë e pa bukë”, tha Begaj.
Ajo ka akuzuar edhe shtetin që e ka braktisur. Begaj deklaron se “bota e tretë mundi botën e parë”, duke hedhur dyshime se i kanë bërë padrejtësi pasi triumfoi.
“Më vjen keq që kam lindur në një vend që shtet nuk ka. Për një moment, me ditë me shi unë isha krenaria, por sot unë jam harruar e nuk jam më. Unë medaljet Shiqpërisë ja solla. Këtë sakrificë e kam bërë për fmailjen, për këtë flamur që kam ngritur në arenën botërore. Asnjë sportist nuk hidhet poshtë si këtu në Shqipëri, kemi dhënë gjak për këtë flamur”, deklaroi ajo.
Sipas jush çfarë ka ndodhur?
Ka ndodhur që unë mora një medalje, më vjen keq që jemi bota e tretë dhe kam mundur botën e parë. Unë jam e pastër. Jam e gatshme si për herën e parë që më është akuzuar kjo substancë e qelbur. Kam 13 vite sport dhe të gjitha medaljet që kam sjellë në Shqipëri i kam të pastra. Nuk i tremben asnjë lloj analize.
Po si ka mundësi që keni rezultuar pozitive?
Jemi botë e tretë, e thashë e pak më parë. Unë jam përballur si me humbje dhe me fitore, por duhet dhe ndihma. Askund nuk hidhet poshtë sportisti siç ndodh në këtë vend.
A keni patur mbështetje nga shteti shqiptar?
Nëse do kishte patur mbështetje, jo për mua si Romelë, por për të gjithë sportistët që kanë derdhur gjak për këtë flamur, do ishte ndryshe. Mua më kanë vrarë për së gjalli.
Çfarë do ndodhë pas kësaj?
Penalizmi mund të merren, kanë të drejtë të plotë. Por jeta ime është në sport.
A do ta ndjekësh në shkallë tjetër?
Unë si Romelë nuk kam mundësi as financiare, dhe as mbështetje. Njëherë shkova vetëm, dhe asnjë nuk erdhi as të më pyesë çfarë ndodhi. Unë e deklaroj kushdo është i gatshëm të vijë të më marrë dhe ta analizojmë, por unë vetë nuk kam mundësi.
/a.m.
