Është përkujtuar sot masakra e Borovës në Korçë ku i pranishëm ishte edhe ambasadori gjerman në vendin tonë Helmut Hoffman. Në fjalën e tij ambasadori Hoffman tha se është e domosdoshme të kujtohen ngjarje të tilla të dhimbshme.
“Jemi këtu për të përkujtuar krimin më të rëndë të ushtrisë gjermane gjatë Luftës së Dytë Botërore. Është e domosdoshme të kujtojmë ngjarje të tilla të dhimbshme”, tha Hoffman.
Në lidhje me integrimin e Shqipërisë në Bashkimin Europian, ambasadori tha: “Shqipëria sot bën pjesë në pararojën e integrimit europian. Është pozitiv rrugëtimi i vendit drejt BE-së dhe ne e mbështesim”.
Në fund, Hoffman foli edhe për vizitën e Merkelit në Tiranë më 8 korrik: “Kancelarja Merkel do të pritet tejet miqësisht, për sa e njoh unë situatën”.
