Avokati i moderatorit të njohur maqedonas Bojan Jovanovski (Boki 13) shprehet se gjendja shëndetësore e klientit të tij është përkeqësuar këto ditë.
Jovanovski akuzohet bashkë me ish-Prokuroren Speciale Katica Janeva për favorizimin e biznesmenit Jordan Kamçev duke marrë ryshfet 1.5 milionë €.
Avokati mbrojtës, Sashko Dukoski deklaroi për televizionin “Telma” se 33-vjeçari ka të vjella të vazhdueshme dhe dhimbje të forta barku. Ndërsa shtoi se klienti i tij po vuan pasojat e ndërhyrjeve të shumta kirurgjikale.
Përgjimet e këtij skandali që përfshiu Maqedoninë e Veriut pak javë më parë u publikuan nga gazeta italiane ‘’La Verita’’. Kjo e fundit zbuloi se si Jovanovski shfaqej si ndërmjetës i Janevës dhe Kamçevit, për t’i lehtësuar biznesmenit ndëshkimet nga një proces gjyqësor. /l.m
