Komisioni i Sigurisë është mbledhur sot nën drejtimin e nënkryetarit Flamur Noka. Deputeti demokrat i uroi shërim të shpejtë kryetarit Spartak Braho, ndërsa tha se në komision duhet të ishte i pranishëm ministri Saimir Tahiri.
Noka tha se debati për një pajisje të mundshme përgjimi në Policinë e Shtetit do të jetë nesër temë e mbledhjes së Sigurisë.
“Kemi thirrur nesër për të raportuar në Komision Tahirin, Llallën, Visho Ajazin dhe Haki Çakon. Përgjimi përbën një krim të rëndë dhe shkelje të drejtash” – mësohet të ketë thënë Noka.
Por deputeti socialist, Paulin Sterkaj, ka replikuar duke thene se informaiconi per pergjuesin eshte marre nga media dhe nuk eshte nje e dhene zyrtare.
Debatet në komisionin e sigurisë:
Lutaj: Nuk mund të vijnë autoritet shtetërore pasi ka nje hetim prokutorie për këtë.
Luan Rama: Shqetesimi ka ardhur nga mediat. Skemi asnjë njoftim zyrtar. A është ngritur ky shqetësim tek Presidenti i republikës? Po u verifikua qe ka shkuar te presidenti shqetesimi, te nisi hetimi. Nese vertetohet se pajisja eshte vendosur pa leje,do ishte shkelje e rëndë. Ka implikim shume institucionesh,që nga dogana deri te insgitucioni që e ka vendosur
Sterkaj: Po e beni fakt që ka pajisje?
Noka: Ështe fakt
Rama: Nuk besoj se kane lajthitur drejtuesit institucionit e ta kene vendosur kete pajisje. Do ishte skandal i stitucional
Sterkaj: Nese çeshtja është në hetim nuk kemi të drejte te thërrasim Llallen.
Qefalia: Ju e keni burimin e informacionit shumd te qarte. Pajisja mund te jete vendosur dhe ne institucione te tjera.
Maxhoranca: T’i cojme shkrese SHIK-ut a ka info apo jo.
Rama: Nese Lutaj e di qe ceshtja po hetohet nga prokuroria i bie qe eshte e vertete.
Rama: Po ta kishte nxjerre Berisha do e besoja. Leter SHISH nëse ka informuar presidentin. Leter Llalles nese ka nisur hetim. Me pas te vijojme me raportimet e institucioneve
Noka: Nuk mjaftojne letrat, te vijne te raportojne
Rama: Te therrasim Ajazin fillimisht. Nese ai e mohon, nderpresim raportimet e tjera.
Lutaj-Nokës: Ose na sill info te sakte ose mblidh firmat e 1/3 te anetarit te komisionit qe te vijne te raportojne.
Ndërkohë në mbledhjen e nesërme të komisionit, pritet të raportojë Ministri i Brendshëm Saimir Tahiri, kryeprokurori Adriatik Llalla, kreu i Policisë së Shtetiti Haki Çako dhe kreu i SHISH, Visho Ajazi Lika.
Përpara anëtarëve të Komisionit të Sigurisë, po raporton për një çështje tjetër drejtori i Drejtorisë së Informacionit të Klasifikuar. Në rend të ditës në komision ëhstë shqyrtim i Projektligjit “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Bashkimit Evropian, për procedurat e sigurisë për shkëmbimin dhe mbrojtjen e informacionit të klasifikuar”.
(javanews.al / r.a)
