Dy aksidente kanë ndodhur në zona të ndryshme të vendit, ku kanë shënuar një viktimë dhe dy të plagosur.
Një aksident ka ndodhur në rrugën Orikum-Dukat në afërsi të varrezave të fshatit Fushë Dukat. Një fadromë ka përplasur për vdekje një 55-vjeçar, i cili ka humbur jetën. 55-vjeçari Novruz Havaraj ka qenë duke ecur anash rrugës në momentin që u përplas nga fadroma, që rezultoi fatale për të.
Një tjetër aksident ka ndodhur në afërsi të fshatit Ciflig në Korçë, ku dy makina një tip ‘Benz’ dhe një ‘Mitsubishi’ janë përplasur mes tyre. Nga aksidenti kanë mbetur të plagosur 2 persona, që janë dërguar në spitalin rajonal të Korçës.
Vijojnë hetimet për zbardhjen e plotë të shkaqeve të aksidentit.
