Identifikohet 23-vjeçari i cili humbi jetën në Mat.
Bëhet fjalë për shtetasin Renis Dobra.
Sipas informacionit zyrtar nga Policia, babai i të riut, shtetasi R. D., paraqiti mbrëmjen e djeshme kallëzim në Komisariatin e Matit, duke raportuar se djali i tij nuk ishte kthyer në banesë. Menjëherë pas denoncimit, Policia nisi kërkimet, që përfunduan me gjetjen e trupit të pajetë pranë liqenit, ndërsa dyshohet se automjeti i tij ka rënë në ujë.
Burime bëjnë me dije për gazetarin Enver Doçi se dyshohet për një rrëmbim të ndodhur ditën e djeshme, çka e bën ngjarjen edhe më të rëndë. Aktualisht është ngritur një grup i posaçëm hetimor, dhe nën drejtimin e Prokurorisë, po vijon puna për zbardhjen e plotë të rrethanave dhe dokumentimin ligjor të rastit.
