Ditën e sotme zyrtarët ushtarakë shqiptarë dhe amerikanë kanë nisur Trajnimin e Përbashkët njëmujor të Kombinuar të Shkëmbimit në bazën e Forcave Speciale Shqiptare në Zall–Herr, pas përfundimit të stërvitjes “Defender 21”.
Kjo u bë e ditur nga ana e ambasadës amerikane. Forcat Speciale Shqiptare dhe anëtarët e Komandës Evropiane të Forcave Speciale të Shteteve të Bashkuara të Amerikës po kryejnë trajnime të përqendruara në gatishmërinë luftarake, trajnimin mjekësor për shpëtimin e jetës dhe aftësisë në manovrimin e armëve.
Njoftimi
Pas stërvitjes së suksesshme ushtarake #DefenderEurope21, e cila përfundoi në Shqipëri muajin e kaluar, ushtarët tanë vazhdojnë të stërviten së bashku. Sot, zyrtarë ushtarakë amerikanë dhe shqiptarë nisën Trajnimin e Përbashkët njëmujor të Kombinuar të Shkëmbimit në bazën e Forcave Speciale Shqiptare në Zall–Herr.
Anëtarët e Komandës Evropiane të Forcave Speciale të Shteteve të Bashkuara të Amerikës po kryejnë trajnime me Forcat Speciale Shqiptare të përqendruara në gatishmërinë luftarake, trajnimin mjekësor për shpëtimin e jetës dhe aftësisë në manovrimin e armëve./m.j
