Vlora vijon “betejën” me flakët në ditën e 13-të të zjarreve dhe situata është ende serioze.
Pas flakëve që përfshinë ish-depot e naftës, një tjetër zjarr ka rënë në Vlorë, në fshatin Gjormë të Selenicës.
Flakët në Gjormë të Selenicës kanë agravuar duke vënë në rrezik 2 fshatra. Kryetari i Fshatit Gjormë bën me dije për Report Tv se janë djegur 4 shtëpi e disa stane.
Siç shihet edhe nga pamjet e siguruara vendi është përfshirë nga re e madhe tymi. Sinaj thotë se për momentin nuk kanë informacione të sakta nëse janë djegur banesa të tjera sepse tymi nuk i lejon të shikojnë.
Për shuarjen e flakëve po ndërhyn nga ajri një helikopter ndërsa pritet të mbërrijë dhe një tjetër, 2 zjarrfikëse dhe 40 ushtarë të Forcave të Armatosura.
g.kosovari
