Ministria e Financave ka publikuar listën e ish të përndjekurve politik, të cilët kanë probleme me dosjet.
Bëhet fjalë për ata ish të dënuar që futen te kategoria parësore dhe duhet të marrin këstin e 8-të. Sipas Ministrisë së Financave një pjesë e ish të dënuarve politik kanë dorëzuar gabim certifikatën personale, ndërsa një pjesë tjetër u është mbullur numri i llogarisë bankare. Për këtë arsyje, thotë Ministria e financave, të gjithë ish të përndjekurit duhet të rregullojë dokumentacionin për të përfituar këstin e tetë.
Radha e dëmshpërblimit
a)Ish të dënuarat politike gra, që jetojnë në momentin e dhënies së pagesës
1- Certifikatë personale jo më e vjetër se një javë nga data e dorëzimit . 2- Vërtetim për numrin e llogarisë bankare, në një nga bankat e nivelit të dytë, për ish të dënuarën politike
b) Ish të dënuarit politikë, që jetojnë në momentin e dhënies së pagesës dhe që kanë moshën mbi 75 vjeç me hyrjen në fuqi të ligjit 94/2014, 1- Certifikatë personale jo më e vjetër se një javë nga data e dorëzimit .
2- Vërtetim për numrin e llogarisë bankare, në një nga bankat e nivelit të dytë, për ish të dënuarin politik ose të kujdestarit të tij ligjor, kur ai ka humbur zotësinë juridike për të vepruar.
c) Ish të dënuarit politikë, të cilët vuajnë nga sëmundje të rënda, sipas përcaktimit të aktit nënligjor të posaçëm; 1. Certifikatë personale jo më e vjetër se një javë nga data e dorëzimit . 2. Vërtetim për numrin e llogarisë bankare, në një nga bankat e nivelit të dytë, për ish të dënuarin politikë.
3. Dokumentacioni që vërteton sëmundjet e rënda. 3/a- Vendimin e KMCAP, (KEMP-i epror), i cili vërteton humbjen e plotë të aftësisë për punë, origjinale. Vendimi duhet të jetë plotësuar saktë, me shkrim te lexueshëm pa korrigjime, duhet të ketë të shkruar emrin/ mbiemrin e anëtarëve të KMCAP dhe nënshkrimin e tyre me vulën e komisionit. 3/b- Epikrizë për sëmundje onkologjike, malinje dhe sëmundje të gjakut të pashërueshme të lëshuara nga: Qendra Shëndetësore Universitare “ Nënë Tereza” , Spitali Universitar “Shefqet Ndroqi”, Spitali Universitar “Mbretëresha Geraldinë”, Spitali Universitar “Koço Glozheni”.
Kjo epikrizë përgatitet nga mjeku që trajton të sëmurin , nënshkruhet me emrin dhe mbiemrin e mjekut kurues, Shefi i Shërbimit vërteton saktësinë e diagnozës dhe e nënshkruan këtë dokument, në fund epikriza firmoset nga drejtuesi i institucionit shëndetësor me vulën përkatëse. Institucioni që plotëson dokumentacionin për efekt të zbatimit të këtij ligji duhet ta shprehë qartë në gjuhë të kuptueshme nga administrata.
ç) Ish të dënuarit politikë që jetojnë në momentin e dhënies së pagesës, të cilët pavarësisht nga mosha, kanë pasardhës të radhës së parë në moshë të mitur, me hyrjen në fuqi të këtij ligji; 1. Certifikatë personale jo më e vjetër sesa një javë nga data e dorëzimit; 2. Certifikatë familjare ku të përfshihet fëmija i mitur; 3. Certifikatë personale të fëmijës/fëmijëve të mitur; 4. Vërtetim për numrin e llogarisë bankare, në një nga bankat e nivelit të dytë, për ish të dënuarin politikë.
d) Ish të dënuarit politikë që nuk jetojnë dhe që kanë trashëgimtarë të radhës së parë, të cilët janë në moshë të mitur, me hyrjen në fuqi të këtij ligji: 1. Certifikatë vdekje e ish të dënuarit politik, origjinale; 2. Certifikatë origjinale e trungut familjar të ish të dënuarit politik, ku të përfshihen: fëmija/fëmijët e mitur. Certifikata e trungut nuk mund të zëvendësohet me certifikatë familjare.
3. Certifikatë personale e të miturit/miturve, trashëgimtarë të radhës së parë të ish të dënuarit politik që nuk jeton. 4. Akt trashëgimie ligjore për të dënuarin politik, origjinale ose fotokopje e noterizuar. 5. Vendim Gjykate të kujdestarisë mbi të miturin në rastin kur edhe nëna/babai i të miturit nuk jeton më. 6. Nr. llogarie bankare në Lekë në njërën nga bankat e nivelit të dytë që vepron brenda territorit të Republikës së Shqipërisë, në emër të kujdestarit ligjor të të miturit. 7. Dokument identiteti (kopje ID-je, Pasaporte) të kujdestarit ligjor.
dh) Ish të dënuarit politikë që jetojnë, në momentin e dhënies së pagesës dhe që kanë moshë nën 75 vjeç me hyrjen në fuqi të këtij ligji. 1- Certifikatë personale jo më e vjetër se një javë nga data e dorëzimit . 2- Vërtetim për numrin e llogarisë bankare, në një nga bankat e nivelit të dytë, për ish të dënuarin politik./shqiptarja.com/b.d.
