Mëngjesit të sotëm përfaqësues të mjekëve, Gentian Stroni, Altin Kuqo, Fatos Olldashi, Arjan Harxhi dhe Arjan Mezini kanë duke zhvilluar një takim në Kryministri me ministren e Shëndetësisë, gerta Manastirliu dhe drejtorin e QSUT-së, Enkel Joti. Në këtë takim po diskutohet për 4 kërkesat e bluzave të bardha ndaj qeverisë.
Kërkesat e mjekëve dhe infermierëve:
-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm
-Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë.
-Rritje të vlerësueshme e trajtimit financiar të personelit shëndetësor.
-Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare.
Ndërkohë, ditën e sotme në orën 10:00 mjekët kanë paralajmëruar se do të zhvillojnë një protestë në oborrin e QSUT-së, për plotësimin e 4 kërkesave të tyre. Policia nuk u ka dhënë leje mjekëve për zhvillimin e kësaj proteste, për shkak të koronavirusit.
g.kosovari
