Ish-presidenti izraelit, Shimon Peres paralajmëroi udhëheqësit e Izraelit se ata duhet seriozisht t’i qasen çështjes së pajtimit me Palestinën, sepse në të kundërtën lufta në Lindjen e Mesme do të zgjasë përgjithmonë, kurse hebrenjtë do të bëhen minoritet në këtë pjesë. “Izraeli për të mirën e tij duhet të shkojë në rrugën e krijimit të dy shteteve. Nëse hebrenjtë humbin shumicën në territorin e tij, mund të humbasim vendin e tonë”, tha Peres në një intervistë për The Associated Press, të cilën e transmetoi AA.
Ai argumenton më tej se “është më mirë që të kemi një shtet hebre në një pjesë të territorit”, se sa të kemi kontroll në gjithë territorin, por pa shtet dhe demokracinë e saj.
Duke theksuar se krijimi i dy shteteve është e vetmja mënyrë e mundshme për të zgjidhur konfliktin disa dekadash në Lindjen e Mesme, Peres tha se askush nuk mund të luftojë përgjithmonë.
