Shqipëria ka mundësi të mira për të transformuar sistemin arsimor përmes përdorimit të teknologjive “të gjelbra” bashkëkohore.
Është ky një nga gjetjet e studimit “Shkollat e gjelbra dhe përdorimi efektiv i energjisë”, realizuar nga Universiteti Shtetëror i Arizonës (SHBA), sipas së cilit, përdorimi i panelit diellor do të kursejë energjinë elektrike në masën 60 %.
Gjatë prezantimit të projekti të ri të qeverisë për shkollat e gjelbra, ministrja Lindita Nikolla tha se ky studim ka dhënë rezultate befasuese si, ulja e humbjeve të energjisë si pasojë e termoizolimit në masën 50%; ulja e humbjeve nga dritaret në masën 45 %; kursimi i energjisë si pasojë e ndriçimit efiçent në masën 80 %; rritja e fluksit të ndriçimit në masën 70 %; përdorimi i panelit diellor do të kursejë energjinë elektrike në masën 60 %.
Projekti pilot për efiçencën e energjisë u implementua në 10 shkolla të vendit në rrethin e Lushnjes dhe qarkun e Lezhës, në periudhën 22 korrik 2014-22 janar 2015, me një vlerë totale 1.6 milion euro.
Raporti i studimit del në përfundime se këto ndryshimet në shkolla duke përdorur teknologjitë e “gjelbra” do të sjellin përmirësim të shëndetit, sigurinë dhe kushtet në shkollë, do të sigurojnë energji elektrike të pandërprerë dhe do të rrisin PBB me 880 milion dollarë.
Ku studim u zhvillua në kuadër të bashkëpunimit kufitar të vendeve IPA të zonës së Adriatikut.
Projekti ka për qellim të sigurojë një nivel të qëndrueshëm të energjisë si në prodhim, ashtu dhe në konsum të vendeve të zonës se Adriatikut, ku ben pjese edhe vendi ynë.
