Ishte tronditëse përgjigjia e ADN për 55-vjeçarin Ligor Biba nga fshati Velçan i cili kishte përdhunuar fqinjen 15 vjeç.
Pavarësisht se ai mohoi çdo akuzë, përgjigja e ADN-së vërtetoi se ai është babai i fëmijës së 15-vjeçares.
Tre muaj pas lindjes, jeta e nënës së mitur ka marrë një tjetër drejtim, pasi është detyruar që foshnjën e saj ta lërë në jetimore si dhe ka braktisur shkollën.
E mitura rrëfen se të afërm të fqinjit që e përdhunoi atë i kanë afruar deri në 10 milionë lekë që ajo të tërhiqet nga pretendimet e saj në ngarkim të Ligor Bibës.
“Më vjen keq që nuk munda ta mbaj fëmijën”, shprehet mes lotëve vajza që ka zënë një cep të dhomës thuajse bosh.
Djali i saj tashmë 3 muajsh ndodhet në një qendër në Tiranë dhe 15- vjeçarja nuk ka mundur ta shohë më asnjëherë, shkruan Panorama.
Nga ana tjetër, gjendja e tyre ekonomike është e mjerueshme e si të mos mjaftonin këto, 15- vjeçarja nuk mund të vazhdojë jetën si bashkëmoshatarët e saj. Ajo rrëfen se nuk do ta falë fqinjin e saj. /a.m.
