Maks Velo është një nga njerëzit e ka provuar burgun në kohën e sistemit komunist dhe e njeh mirë atmosferën. I intervistuar nga gazeta Panorama, piktori e ka konsideruar si të pamundur që këngëtarja Alida Hisku të jetë përdhunuar në burg dhe shpjegon arsyet pse mendon kështu.
“Kjo është e pamundur. Kur merrej një femër në hetuesi, ishte kusht që ose hetuesja të ishte gjithashtu femër, ose të ishte gjithsesi një femër e pranishme. Kjo sepse Ministria e Brendshme e kishte pësuar që herët dhe nuk lejonte njeri të përsëritej më e njëjta gjë ose edhe nëse do të ndodhte, ai që do të zbulohej, ishte automatikisht i pushkatuar dhe kjo gjë dihej nga të gjithë. Pra, edhe nëse dikush do të donte, nuk kishte guxim sepse ishte i zhdukur”, thotë Velo.
Ai tregon edhe për “pësimin” e Ministrisë së Brendshme: “Një ngjarje e hershme, më 1948, në Mirditë, ishte një lab që bënte çnderime, por sapo u zbulua, u var. Për së jashtmi ose jo, puna e nderit ka qenë e rëndësishme që në kohën e partizanëve dhe kjo gjë dihej”.
Velo nuk pranon idenë e përdhunimit, por për sa i përket dhunëse thotë që ka qenë më se e vërtetë: “Ee kam provuar vetë dhe e kanë dokumentuar më pas shumë të tjerë, burra e gra, por përdhunime jo, nuk ka dalë më sot asnjë rast, nuk kam dëgjuar askënd të thotë se është përdhunuar një grua, të paktën jo brenda ambienteve të hetuesisë. A, po, kjo gjë mund të ndodhte jashtë, por në shumicën e rasteve kanë qenë vetë gratë që u shkonin nga mbrapa hetuesve”.
