Mes dhimbjes dhe lotëve të familjarëve, të afërmve dhe kolegëve, dëhsmori i atdheut Ardian Kodra është përcjellë për në banesën e fundit.
Trupi i efektivit të vrarë një ditë më parë nga David Qosja, gjatë operacionit për ndalimin e këtij të fundit, do të prehet në varrezat e dëshmorëve.
Djalit të viktimës, i’u dorëzua Medalja e Artë e Shqiponjës.
Homazhet
Familjarë, të afërm, miq, kolegë e qytetarë të shumtë i dhanë nderimet dëshmorit të atdheut Ardian Kodra.
Polici i FNSH-së së Shkodrës, i rënë në krye të detyrës një ditë më parë gjatë një oepracioni në Torovicë të Lezhës, u nderua nëpërmjet një ceremonie zyrtare.
Dhjetëra kolegë, u përulën para trupit të pajetë të Ardian Kodrës, i cili mbeti i vrarë në tentativë për arrestimin e shtetasit David Qosja.
Homazhet ndaj Kodrës u zhvilluan në ambjentet e Drejtorisë së Policisë së Shkodrës. I pranishëm në ceremoni ishte edhe ministri i Brendshëm Saimir Tahiri.
