Ashtu siç pritej, ka dhuruar përballje spektakolare shorti i gjysmëfinaleve të Champions League. Barcelona-Bayern Munchen dhe Juventus-Real Madrid do të jenë çiftet e super ekipeve që do të ndeshen një biletë në finalen e madhe në Berlin më 6 qershorit.
Në shortin e hedhur në Nyon të Zvicrës, dy favoritët kryesorë për ta fituar trofeun prestigjoz do të përballen me njëra-tjetrën, ku blaugranët do të mundohen të eleminojnë bavarezët pas turpërimit që këta të fundit u bënë spanjollëve më 2013.
Ndërkohë nga ana tjetër, kampionët në fuqi të Realit të Madridit do të kenë përballë italianët e Juventusit, e cila jo pak herë ka qenë “delja e zezë” për “mbretërorët”.
Ndeshjet e para do të luhen më 5 dhe 6 maj ndërsa ndeshjet e kthimit një javë më pas në 12 dhe 13 maj.
Redaksia Online
(Javanews.al)
