Në një kohë kur hetimet për pretendimin e një atentati të mundshëm ndaj deputetit Tom Doshi janë drejt fundit, detaje të reja dalin në dritë.
Sipas të dhënave më të fundit të Prokurorisë së Përgjithshme, historia e atentatit është përgatitur në lokalin “Viva” ashtu siç pretendonte deputeti Doshi. Por skenari i atentatit dhe regjistrimi i tij mund të jetë bërë nga deputeti tjetër Mark Frroku.
Kjo pasi në bazë të sendeve të zbuluara në banesën e deputetit Frroku, mes tyre është një orë kamera, telefon, laptop si dhe stilolaps kamera.
Deputeti Mark Frroku ndodhet në spital pas problemeve që ka shfaqur kohët e fundit në zemër. Sipas avokatëve të tij ai pritet t’i nënshtrohet një ndërhyrje kirurgjikale në zemër.
Gjithashtu javës tjetër pritet që prokuroria t’u komunikojë akuzën dy deputetëve dhe Durim Bamit, të cilësuar nga Doshi si “vrasësi i penduar” dhe dosja të shkojë në Gjykatën e Lartë.
Redaksia Online
(Javanews.al)
