Trajneri i Dinamos, Ilir Daja doli në konferencë në prag të ndeshjes me Teutën. Ai tha se vijnë në këtë ndeshje pas barazimit me Skënderbeun në transfertë.
“Jemi aty-aty me Teutën, kemi punuar që ato ‘armë’ të forta që ajo ka, t’i neutralizojmë. Një nga ato është presingu lart. Po ashtu duhet të kemi në fokusin tonë mbrojtës numrin 10 të tyre, pasi ka shpejtësi të konsiderueshme. Mungesa kemi si ne, edhe kundërshtari. Është një ndeshjes midis situatave të barabarta, ku Dinamos i duhet patjetër të rikthehet te fitorja për të vazhduar rrugëtimin”, tha ai.
“Gjithmonë ka presion në Superiore, vetë gara ka presion. Unë kërkoj maksimumin nga lojtarët dhe duhet ta menaxhojmë presionin gjatë gjithë kohës. Po nuk e bëmë, do të kemi shumë probleme”.
Sipas trajnerit, niveli i lojërave ka ardhur duke u ngritur. Më parë merrnim pikët dhe nuk ishte loja, tani loja ka ardhur, edhe pse ka goxha për të përmirësuar., shtoi tekniku.
“Golat e pësuar lehtë në ndeshjet e fundit? Po, por të mos harrojmë se disa lojtarë nuk janë në rolet e tyre natyrale. Një mesfushor që luan para mbrojtjes kohën e presionit nuk e ka njësoj si lojtari që luan si mbrojtës i fundit. Prej këtyre sakrificave, duke u ndryshuar pozicionin lojtarëve për ekipin kanë sjellë edhe ato gola të evitueshëm. Futbollit është sport gabimesh, shpresoj të mos na përsëriten më. Kemi punuar dhe shpresoj që gabimet t’i kemi më të pakta se në dy ndeshjet e fundit”, tha ai.
