Verifikimi i viktimave të dhunës seksuale të luftës fillon pas tre muajve. Verifikimi i statusit të personave të dhunuar gjatë luftës në Kosovë pritet të fillojë pas rreth tre muajve. Kjo pasi që Qeveria e Kosovës javën e kaluar ka marrë vendim për formimin e Komisionit për njohjen dhe verifikimin e statusit të personave të dhunuar gjatë luftës, shkruan Koha Ditore.
Nëntë anëtarët e këtij Komisioni do t’i nënshtrohet një trajnimi që pritet të zgjasë tre muaj.Pas kësaj periudhe do të fillojë verifikimi i aplikacioneve të personave për të marrë statusin e viktimës së dhunës seksuale të luftës në Kosovë.
Trajnimi i anëtarëve të Komisionit, sipas sekretarit të Ministrisë së Punës dhe Mirëqenies Sociale (MPMS), Izedin Bytyqi, pritet të fillojë brenda pak ditëve. Sa i përket fillimit të aplikimit, Byqyqi ka thënë se ai ka shanse të fillojë para përfundimit të trajnimit të anëtarëve të Komisionit. (b.an)
