Në forumin ndërkombëtar të sigurisë dhe politikave globale, kryeministri Rama foli dhe për situatën ku ndodhet Shqipëria sot dhe rrugëtimin e saj drejt unionit europian.
Kreu i qeverisë u shpreh përpara panelistëve se Shqipëria është në një moment dhe shpreson që brenda dekadës të anëtarësohet në BE, pasi kjo gjë mbështetet edhe nga populli shqiptar, pa dallim.
“Mendoj se Shqipëria është në një pozicion të mirë. Po përshpejtojmë rrugëtimin drejt BE. Rëndësia e Ballkanit Perëndimor është dhe me vepra. Tani e dinë që duhet të bashkojnë Ballkanin Perëndimor me BE. BE ka një kufi të jashtëm dhe një të brendshëm dhe këtu jemi ne të Ballkanit. Nëse vazhdojnë kështu jam optimist që brenda dekadës do të jemi pjesë e BE. Nëse unioni kthehet në zonën e rehatisë kjo mund të ndryshojë. Duam të jemi pjesë e BE. Për ne BE është një hapësirë paqeje dhe sigurie. Për ne BE është fe, 92% e njerëzve duan të jenë pjesë e tij. Kemi një politikë të politizuar, por sa vjen fjala për BE të gjithë duam të jemi pjesë e ti”, tha Rama në Londër.
Rama: Kemi ambicie për ta transformuar Shqipërinë! Duam që të bëhemi pjesë e Bashkimit Europian
Kryeministri Edi Rama, u ndal edhe tek integrimi i vendit në Bashkimin Europian. Rama tha se ambicia e qeverisë është transformimi i Shqipërisë dhe futja në Bashkimin Europian.
‘Në Shqipëri ne kemi shumë ëndrra dhe ambicie për ta transformuar vendin tonë dhe për ta bërë anëtare të BE për të zënë vendin që la bosh Britania, por ne nuk kemi bekimin që ju dhe demokraci të tjera kanë që të kenë universitetet më të mëdha dhe që kanë një kapacitet kaq të madh për të menduar për të ardhmen saqë më lë pa mend se si nuk përdoret nga qeveritë. Ju nuk keni nevojë që të shpikni rrotën, në Shqipëri na duhet që të shpikim rrotën, por këtu mjafton që të thoni na jepni sugjerime dhe ide dhe do t’ju vinin nga të gjitha llojet e ideve dhe do t’ju ndihmonin dhe do t’ju bënim që të merrnit rëndësi në sy të këtyre njerëzve. Nëse pyesni 50 universitete më të mira të Europës për një plan paqe dhe si do të dukej një Europë ndryshe dhe si Britania të dal nga kjo zymtësi e momentit do t’ju jepnin mjaftueshëm ide’, tha ai.
