Nën rrezet e ngrohta të verës shqiptare, një çift nga India, që prej vitesh jeton në Belgjikë së bashku me dy djemtë e tyre 20 dhe 22 vjeç, kanë zgjedhur Shqipërinë për të dytin vit radhazi.
“Jemi nga India, është viti i 2 që vijmë në Shqipëri.”
Dashuria për detin, njerëzit mikpritës, aventurat me motorë dhe ushqimin tradicional shqiptar i ka rikthyer edhe këtë vit në jugun e vendit.
Këtë herë, familja kishte një mision të veçantë: t’u tregonte djemve bukuritë natyrore dhe atmosferën unike të Vlorës.
“Na pëlqejnë shumë plazhet, njerëzit miqësore, aventurat me motorë dhe ushqimi.”
Mes emocioneve dhe kureshtjes për të zbuluar vende të reja, ata ndaluan sot në një nga perlat e zonës, Zvernecin dhe plazhin e Dalanit.
Nuk munguan as shëtitjet me motorë përgjatë bregdetit, një eksperiencë që sipas tyre e bën Shqipërinë edhe më të veçantë.
Turistët shprehen se ajo që i tërheq më shumë në Shqipëri është energjia pozitive e njerëzve, buzëqeshja dhe mikpritja që ndjehet kudo.
“Njerëzit janë të buzëqeshur dhe miqësorë. Ne jemi çift, kemi dhe 2 djemtë që i sollëm për të parë Shqipërinë.”
Për ta, Vlora mbetet një destinacion që nuk të lodh kurrë së zbuluari.
