Nga Bledi Lumani
Një emigrant shqiptar, që e kanë futur në Big Brother VIP, edhe pse nuk e lidh asgjë me vipllëkun, ka zbuluar se është homoseksual.
“Jam një baba krenar, jam gjysh krenar. Nuk lejoj askënd që të më heqë krenarinë e të qenit një mashkull homoseksual”, tha ai.
Dhe pastaj, lotë, përqafime, emocione të forta…
Sherret e fyerjet tashmë nuk bëjnë më punë.
As zhveshjet dhe dushet publike.
Duhet ndonjë gjë më e fortë për vëmëndje dhe klikime.
Sa më shokuese, që të të bëjë të hidhesh përpjetë nga divani.
Dhe ja ku del një “hero”, që më në fund pranon të thyejë tabutë e prapambetura të shoqërisë shqiptare, që nuk i pranon homoseksualët.
Të pranojë live në TV, se është gay, duke na e ngecur në grykë copën e mishit që mbanim në dorë dhe bakllavasë në dorën tjetër.
Nuk mjafton Klodi i Lezhës i pak viteve më parë.
Tani na duhet një tjetër, që të na e pranojë shoqëria.
Se duhet të emancipohemi si gjithë bota, duke i thënë fëmijëve se edhe gjyshi që kanë në krah, mund të jetë qejfli burrash dhe kjo është në rregull.
Ndaj mos harroni prindër, larg qoftë iu ka mbaruar abonimi për Big Brother, me vrap në dyqan dhe në darkë, njësoj si këto familjet e lumtura moderne, ulur këmbëkryq, të shikoni dhe mbështesni Bernardin!
Mos e dhëntë Zoti, që ndonjëri prej jush, fjala vjen, ta fikë TV apo të ndërrojë kanal!
Të gjithë aty, deri në dramën e radhës!
