Pentagoni: Kriza e refugjatëve do zgjasë 20 vjet
Kriza e emigrantëve dhe refugjatëve nga Siria dhe Afrika e Veriut drejt Europës, “është një emergjencë shumë e madhe, dhe një krizë reale”. Kësht është shprehur gjenerai Martin Dempsey, shefi i Forcave të Armatosura të SHBA-së dhe një nga zyrtarët më të lartë të Pentagonit.
Në një intervistë ekskluzive për ABC amerikane, Dempsey thotë se është i “shqetësuar” dhe ka theksuar se nevojë e reagimit të mbarë botës, “si reagim i një anshëm ashtu edhe me aleatët”.
Kjo që po ndodh për gjeneralin është një “problem brezash”, duke marrë masate duhura për të përballuar krizën për të paktën 20 vjet.
Ndërkohë udhëheqësit e Bashkimit Evropian ranë dakord për një plan emergjent për vendosjen e më shumë se 160,000 refugjatëve të cilët janë aktualisht në të gjithë BE-në.
Sipas planit, emigrantët që janë në Itali, Greqi dhe Hungaria do transportohen nëpër vende të tjera të BE-së, në bazë të kriterit të numrit të popullsisë dhe prosperitetit ekonomik.
Në të njëjtën kohë, shumica e refugjatëve, 35.000 prej tyre do të dërgohen në Gjermani, në Francë do të shkojnë 26 mijë, Spanjë 16 mijë, ndërsa në Kroaci 3 mijë e 200.
Edhe pse, sipas të njëjtave kritere Britania e Madhe do të duhej të akomodonte 17 mijë refugjatë, britanikët kanë vendosur që tani për tani të mos jenë pjesë e planit të përbashkët të BE-së për pranimin e emigrantëve.
Sipas gazetës britanike Daily Mail, në bazë të të dhënave që ka BE-ja, në Hungari tani ndodhen rreth 54 mijë refugjatë, 39 mijë në Itali dhe 66 mijë e 400 në Greqi.
Redaksia Java News/ f.g
