Eksperti fiskal Ramadan Kondi foli në edicionin e lajmeve në MCN TV mbi procesin e njohjes nga shteti të viteve të “humbura” të punës gjatë kohës së diktaturës. Ai theksoi se procesi nuk do ketë një ndikim financiar të madh në buxhet. Sipas Kondit abuzimet që mund të bëhen nga individët do jenë minimale dhe të pallogaritshme në raport me të vërtetën, ndërkohë që do pakësohen edhe kostot.
“Sa i përket dosjeve s’mund të themi se ka ndonjë evidencë të saktë. Nuk mund të themi dot ekzaktësisht sa mund të jenë. Nuk do ketë influencë financiare shumë të madhe në buxhet. Ka një VKM që të gjitha problemet që krijohen në raport me shtetin mund të ndiqen të gjitha shkallët e gjyqësorit. Në këto kishte numri i atyre që kërkojnë këto të drejta në rrugë gjyqësore, është shumë i madh. Po bllokojmë edhe gjykatat me veprime të tilla. Janë dosje pa fund që flenë. Në periudhën e komunizmit nuk të linte njeri pa punë. Për nëpunësit nuk diskutohet fare fare.
Por edhe për kooperativistët. Edhe fëmijët gjatë pushimeve detyroheshin në të gjitha format për të punuar. Sa i takon ndërmarrjeve shtetërore para datës 1 janar 1994 nuk kemi më listë pagash, por paga referuese.
Të gjitha vitet para vitit 1993 nuk kanë ndonjë peshë shumë të madhe në bazën e vlerësueshme. Sado t’i indeksosh atëherë nuk shkojnë më shumë se 400-500 lekë të vjetra. Është për të ardhur keq që futemi për të bërë një ligj, shikojmë një pjesëz dhe harrojmë tërësinë. Kontributi atëherë derdhej në totalin e ditëve të punës dhe në grup. Dëmtohen ata që e kanë filluar punën shumë shpejt, që 15 vjeç. Thuhet që gjithë atyre që kanë mbaruar shkollën e lartë, u njihet nga koha që kur janë diplomuar deri kur ka dalë ligji në vitin 1993.
Diploma quhet kur ke mbrojtur temën, ndërkohë që është bërë një vit stazh. Nuk është cilësuar që me ligje të veçanta që femrave u njihet si periudhë vjetërsie edhe periudha e shkollës së lartë, që duhej vënë në ligj. Bëhen vetëm tre dokumente dhe përgjegjësinë e mban vetë individi. Administrata e sigurimeve shoqërore lehtësohet shumë në arkiva dhe letra pa fund.
Abuzimet në raport me të vërtetën e asaj periudhe mund të jenë minimale dhe të pallogaritshme. Kostot që mund të pakësohen mbulojnë këto gabime minimale. Janë tre dokumente të thjeshta. Paga referuese është e caktuar. Po pate titullin agronom, pagën e kanë një lloj të gjithë. Si dokument bazë është marrja diplomës. Nuk është ndonjë gjë që mund të na krijojë probleme financiare. Nuk ekzistojnë vitet ku shteti nuk ka ruajtur arkivat dhe individi s’ka përgjegjësi”.
