Ai ka qenë për shumë kohë i burgosur i militantëve të Shtetit Islamik, por fatmirësisht ka arritur të shpëtojë. Bëhet fjalë për Nicolas Henin, një shtetas francez që ka vuajtur në burgjet e ISIS dhe ka parë të ekzekutohen disa shokë të tij.
“Unë e di se nga çfarë ka frikë ISIS”, ka thënë Henin.
Para se ai të lirohej deklaron se ka parë shumë raste ekzekutimesh nga ana e terroristëve.
“Për momentin nuk ka asnjë strategji politike apo ushtarake se si duhet luftuar ISIS. Nëse ISIS do të bjerë, kjo do të ndodhë në sajë të një procesi politik. Ne duhet të qendrojë të bashkuar dhe me zemër të fortë. Kjo është frika e tyre më e madhe. ISIS i priste bombardimet dhe për ta nuk është shqetësuese. Ata i shqetëson më shumë reagimi i europianëve. Nëse ne tmerrohemi dhe kapemi nga paniku ISIS është fitues. Por nëse ne qendrojmë të bashkuar dhe rezistojmë ndaj kërcënimeve të tyre, morali i tyre do të bjerë përtokë. Ata ushqehen me frikën tonë”, ka thënë Henin.
Henin rrëfen momentet e tmerrshme të burgut.
“Të gjithë pengjeve që u është prerë koka në 2014 kanë qenë shokët e mij të qelisë. Çdo ditë një xhihadist vinte në qelinë tonë dhe thoshte: nesër një prej jush do të vdesë”, ka rrëfyer Henin”.
Ai shton se frika në sytë e pengjeve u jepte zemër xhihadistëve.
“Sa herë që shikonin një peng pranë ekzekutimit duke qarë nisnin të qeshnin dhe i kapte një eufori idiote. Frika e kundërshtarit u jep atyre fuqi dhe kurajë”, tha Henin.
