Kryetarja e LSI, Monika Kryemadhi, gjatë mbledhjes së Komitetit Drejtues Kombëtar të LSI, akuzoi Ramën se kërkon të kapë kryeprokurorin e përgjithshëm. Kryemadhi kërkoi ndjesë që LSI mbajti në këmbë qeverinë mandatin e kaluar, duke nënvizuar se duhej rrëzuar që pas denoncimeve të Manjanit kur ishte ministër.
“Kemi denoncuar që në fillim lidhjet e kësaj qeverie me krimin dhe drogën. Situata në vend sa vjen dhe përkeqësohet. Shqipëria është kthyer në qendër të drogës. Pasi miratuam me konsensus reformën në drejtësi, ky kryeministër kërkon të kapë edhe kryeprokurorin. Rama kërkon të fusë parlamentin në destabilitet. Rama kërkon të zgjedhë një kryeprokur të paligjshëm. Shumë çështje flenë në prokurorinë e përgjithshme. Ndjesë, duhet të kishim rrëzuar që më parë ‘Qeverinë Rama’. Duhej rrëzuar qëkur Manjani denoncoi”, deklaroi Kryemadhi
Kryemadhi deklaroi se Rama është koka e krimit të organizuar
“Të mos lejojmë një njeri të çmendur që e ka kthyer këtë vend në një bazë të krimit, terrorit dhe korrupsionit”, tha Kryemadhi
Kryetarja e LSI, deklaroi se nuk do të lejojnë seancën për zgjedhjen e kryeprokurorit të përkohshëm
javanews.al/a.ç
