Profesori i socialistëve, Servet Pëllumbi, e sheh kontestimin e PD për emërimin e Gramoz Ruçit në krye të Parlamentit si varfërim idesh në lidershipin e ri opozitar.
Në një prononcim për “Panoramën”, profesori i socialistëve shpreh opinionin e tij në lidhje me debatin e nisur nga demokratët për emërimin e disa figurave në radhët e maxhorancës së re socialiste.
Sipas profesorit të socialistëve, kur kanë kaluar 27 vite nga ndryshimi i sistemit, përdorimi i tezave për antikomunizëm dhe kundërshtimi i emrave të veçantë është mungesë mendimesh dhe qëndrimesh nga lidershipi i ri demokrat.
“Në asnjë vend të Europës Lindore nuk flitet më për antikomunizëm, pas 27 vjetësh nga ndryshimi i sistemit dhe konsolidimi i demokracisë. Tezat për antikomunizëm tregojnë varfërinë e ideve, mendimeve dhe qëndrimeve të Partisë Demokratike, në një kohë që pretendon se drejtohet nga një lidership i ri. Pas 27 vitesh nuk mund të bëhet fjalë për antikomunizëm në Shqipëri”, deklaroi për “Panoramën” profesori i socialistëve, Servet Pëllumbi.
Kreu i Partisë Socialiste dhe Kryeministri Edi Rama ka qenë i vendosur që, pavarë sisht kundërshtive të opozitës, t’u qëndrojë propozimeve të tij për Gramoz Ruçin dhe Fatmir Xhafajn.
Rama u ka kujtuar demokratëve eksperiencën e gjatë të Ruçit në jetën parlamentare të vendit, ndërkohë që ka vlerësuar publikisht punën e bërë pak muaj më parë nga Fatmir Xhafaj në drejtimin e Ministrisë së Brendshme.
Opozita, nga ana tjetër, ka deklaruar votën e saj kundër dy figurave, që sipas tyre fyejnë shqiptarët për shkak të lidhjeve me regjimin komunist./a.m.
juve keni deshtuar ne te gjitha anet prandaj doni qe te krijoni trazira me gjera qe nuk jane te verteta….po turp nuk keni …….skeni len gje pa bere dhe hiqeni si te jeni engjejt ne toke