Kryetari i Kuvendit të Shqipërisë ka zhvilluar sot në 2 mars takime me liderët e shtetit të Kosovës, gjatë një vizite në Prishtinë.
Peleshi deklaroi se bashkëpunimi mes Kosovës dhe Shqipërisë mbetet i palëkundur. Ai shton se Tirana zyrtare ka dhënë e do të japë mbështetje të plotë për agjendën euro-atlantike të Kosovës.
Shqipëria dhe Kosova, në një bashkërendim të qëndrueshëm strategjik dhe institucional, për të çuar përpara proceset integruese dhe për të forcuar pozicionin e Kosovës në arenën ndërkombëtare. Mbështetje e plotë për agjendën euroatlantike të Kosovës.
Bashkëpunimi ynë i ngushtë mbetet i palëkundur, në funksion të paqes, stabilitetit dhe të ardhmes sonë të përbashkët europiane”, shkruan Peleshi.
Po ashtu, Peleshi ka zhvilluar një takim edhe me homologen e saj në Prishtinë, Albulena Haxhiun.
Kryetari i parlamentit shqiptar nënvizoi se miratimi i Rezolutës në mbështetje të ish-drejtuesve të UÇK-së, nga Kuvendi i Kosovës, është shprehje e qartë e vullnetit institucional dhe solidaritetit kombëtar.
“Angazhimi i përbashkët mes dy Kuvendeve tona synon rritjen e cilësisë së bashkëpunimit parlamentar dhe koordinimin në agjendën europiane. Miratimi i Rezolutës në mbështetje të ish-drejtuesve të UÇK-së, nga Kuvendi i Kosovës, shprehje e qartë e vullnetit institucional dhe solidaritetit kombëtar. Shqipëria dhe Kosova vijojnë të ecin krah për krah, me vizion të përbashkët dhe përgjegjësi të përbashkëta”, deklaroi Peleshi gjatë këtij takimi.
Kreu i parlamentit të Shqipërisë Niko Peleshi vlerësoi se Tirana dhe Prishtina duhet të ecin krah për krah, me vizion e përgjegjësi të përbashkëta.
