Zëvendës kryeministri i vendit Niko Pelshi teksa ka folur në Konferencën për Agroturizmit ka thënë se Shqipëria ka bërë progres në fushën e bujqësisë.
Peleshi ka shtuar se, vendi ka potenciale të mëdha ndërkohë që puna reformatore e qeverisë është duke ndikuar në dhënien e rezultateve për jetën e komunitetit.
“Rilindja është bashkësia e këtyre mrekullive të vogla në gjithë vendin. Është Shqipëria e njerëzve të punës, jo të fjalëve, por të veprave. Misioni ynë është zgjidhja e problemeve. Të vlerësojmë më shumë ekspertët e vjetër. Shqipëria ka bërë progres në rrugën e bujqësisë dhe ajo ka pasuri të shumta, të cilat duhet të shfrytëzojmë potencialet tona. Pa reformë territoriale ne nuk do mund të hartonim strategji që përfshijnë potencialet që i kalojnë kufinjtë e një komune, por i gjejmë brenda kufijve të një bashkie. Puna reformatore e qeverisë është duke dhënë rezultate. Decentralizuam ujitjen e kullimin dhe bashkitë sot kontrinbutore për ujitjen e kullimin” ka thënë Peleshi.
Ndërkohë, Ministri i Bujqsisë Edmond Panariti ka thënë gjatë konferencës se, qeveria ka dhënë mbështetjen e saj për bujqësinë dhe se kjo e fundit do mund të ketë martesë të zgjuar vetëm me turizmin.
“Qeveria ka dhënë mbështetje për bujqësinë. Martesa më e zgjuar e bujqësinë është ajo me turizmin. Zhvillimi i turizmit, zhvillon bujqësinë. Ky është një model frymëzues që ka tërhequr vëmendjen e zonës por edhe Shqipërisë.’ Ka thënë Panariti.
Sakaq, kreu i Bashkisë Durrës, Vangjush Dako ka theksuar se institucioni që drejton është e angazhuar për zhvillimin e bujqësisë.
“Tashmë kemi tokë bujqësore. Sot përballemi me bujqësinë, që përpara nuk ka ekzistuar. Agroturizmi është veprimtari e re për turizmin dhe bujqësinë. Kemi potenciale për zhvillimin e mëtejshëm. Shumë shpejt do zgjidhim problemet e tokave bujqësore në këtë zonë. Do i japim mbështetje sa më të madhe bujqësisë’ ka thënë Dako.
