Një lajm i publikuar disa ditë më parë në median franceze mbi pelenat e fëmijëve të kompanisë Pampers, shprehej se këto pelena përmbajnë derivate nafte të klasifikuara si kancerogjene nga BE.
Pas këtij lajmi ka reaguar vetë Kompania e cila sqaron se në pelena nuk ka asnjë lloj elementi të tillë, të klasifikuar si “PAH” (hidrokarburore policiklike aromatike) ndryshe nga çfarë pretendon lajmi i publikuar më parë.
Njoftimi i Kompanisë Pampers
Njoftim për shtyp Pampers i mohon fuqimisht konkluzionet e studimit Love and Green Asnières, 25 Tetor 2016 –
Në vijim të artikullit të Le Parisien, më datë 25 Tetor, rezultatet e pjesshme të një studimi të kryer me kërkesën e kompanisë së pelenave, Love and Green dhe jo me kërkesë të Asef Association siç tregohet në këtë artikull, Pampers refuzon fort pikat e mëposhtme:
Pampers mohon fort konkluzionet e studimit; – Ne konifrmojmë se nuk i shtojmë “PAH” produkteve tona, në kundërshtim me informacionin në këtë artikull;
– Të gjithë përbërësit e pelenave tona janë të përzgjedhur në mënyrë rigoroze dhe të përcaktuar në detaje të imëta. Ato përputhen me normat e rrepta Europiane, të cilat sigurojnë prodhimin dhe përdorimin e përbërësve;
– Janë bërë testime klinike me seriozitetin më të lartë nga shkencëtarë ekspertë të kësaj fushe dhe pediatër të jashtëm, para se produktet tona të tregtohen;
-Për të ndihmuar në mbrojtjen e lëkurës së bebeve, në shtresën e sipërme të pelenave tona aplikohet një shtresë e hollë locioni që ndihmon në zvogëlimin e rrezikut nga skuqja. Ne sigurojmë që përbërësi Petrolatum që përmbahet në këtë locion te Pampers është i pastër dhe plotësisht i sigurt për bebet.
Kjo gjë është vërtetuar nga doktori pediatër dhe dermatolog, Profesor Daniel Hohl, ish President i Shoqatës Europiane të Dermatologjisë Pedriatike
“E kam studiuar thellësisht sigurinë e testimit të pelenave Pampers dhe vërtetoj se këto produkte janë plotësisht të sigurta për t’u përdorur për lëkurën e bebeve. Petrolatum është përbërësi i plogët, i cili jo vetëm që përdoret në mënyrë të zakonshme në kozmetikë por gjithashtu rekomandohet gjerësisht nga dermatologët dhe pediatrët për të mbrojtur lëkurën e bebes.” – Përbërësit e këtij locioni përputhen me normat Europiane mbi kozmetikën dhe janë subjekt i rishikimeve të rregullta nga autoritetet Europiane./java/a.k
