Me pretendimin që të zhdukë kampin e ngritur para gati 7 vjetësh nga shtetasit shqiptarë të etnitetit rom, që gjendet në hyrje të Pejës, prapa qendrave tregtare në Zonën Industriale, Komunës së Pejës i ka lindur ideja, të cilën e ka paraqitur të premten në takimin e rregullt të Kuvendit Komunal.
Me iniciativë të kreut të komunës, Drejtoria e Çështjeve Pronësore Juridike ka propozuar këshilltarëve komunale shqyrtimin dhe miratimin në parim të vendimit për dhënien në shfrytëzim afatgjatë prej 15 deri 99 vjet, m’u atë pjesë të tokës komunale prej 1.3 hektarë, ku është ngritur ai kamp, shkruan Koha Ditore.
Në atë lokacion gjenden 20 baraka të punuara nga dërrasat, që janë ndërtuar nga shtetasit e Shqipërisë dhe në të cilat jetojnë familje shumë-anëtarëshe, kryesisht lypsarë. Ky problem e ka përcjellë Pejën vite me radhë, pa arritur që ta eliminonte. (b.an)
