PDIU ka replikuar ashpër ndaj disa komenteve të deputetit të PD-së, Kastriot Islami, sipas të cilit puçin ish kryetarit të Bashkisë së Dibrës Shukri Xhelili ja ka organizuar PDIU. Krerët e PDIU i kanë cilësuar këto komente të ish- socialistit Islami, sot deputet I PD-së, si shantazhe banale.
“Meqë deklarata e tij është bërë publikisht dhe duket që Kastriot
Islami ka përgjuar pas vrimës së çelsit te përgjuesit, i bëjmë thirrje
prokurorisë të administrojë këtë deklaratë e të zbardh të vërtetën, në
kuadër të procesit ndaj Shukri Xhelilit”, thuhet në deklaratën e PDIU-së.
Sipas kësaj deklarate, Partia për Drejtësi Integrim dhe Unitet, nuk ështe marrë asnjëherë me filmime apo video, sepse preferon të bëjë politikè pozitive e të drejtpërdrejtë për qytetarin e nuk ka as pasion e as zakon të vendosë veshin a syrin tek vrima e çelësit. Sipas saj, janë te tjerë ata që e kanë varur egzistencën e tyre në politikë me video-shantazhe të kryera në Tiranë, Peshkopi apo Londër.
“Gjejmë rastin gjithashtu dhe i bëjmë thirrje dibranëve të kryejnë
qetësisht këtë fushatë elektorale dhe të mos bien pre e provokimeve
apo diversioneve dhe më 11 shtator të votojnë si qytetarë europiane”, përfundon deklarata e PDIU-së.
Me. Ar
