Edhe pse kryeministria e mohoi që kryeministri Edi Rama të kishte planifikuar një vizitë në Shkodër, demokratët e këtij qyteti këmbëngulin në qëndrimin e tyre, por kete rradhe duke vene perpara gazetaret te cilet sipas tyre kishin ne dore axhenden e Rames. Në një deklaratë për mediat, PD-ja thotë se Rama anuloi vizitën që një ditë më parë e kishte bërë publike në mediat që sipas PD-së, janë të kontrolluara prej tij. Por PD thotë se Rama ju tremb protestës që shkodranët të mbështetur nga PD mbajtën kundër skemës së re të TVSH-së për biznesin e vogël. PD thotë se zyra e shtypit e kryeministrisë ka shpërndarë edhe axhendën e vizitës së Ramës në Shkodër, tek dega e partisë atje dhe deputetët e Partisë Socialiste. Ndërkohë, sot kryeministria ndau një njoftim zyrtar ku tha se nuk ka asnjë vizitë të programuar të Ramës në Shkodër, dhe se sot kreu i qeverisë, ishte në Vlorë, ku mori pjesë në një ceremoni që i dha një titull nderi nënës së tij Anita Ramës.
Deklaratë e Partisë Demokratike
Edi Rama u fsheh si frikacak sot nga shkodranët, duke anuluar vizitën e bërë publike një ditë më parë nga mediat e kontrolluara prej tij.
I çekuilibruar psikologjisht, për shkak të protestave që po e ndjekin deri tek dera e shtëpisë, Edi Rama gënjeu sot publikisht shqiptarët, kur tha se nuk kishte në plan të shkonte në Shkodër, por në Vlorë.
Kryeministria e ka shpërndarë njoftimin për axhendën e Edi Ramës në Shkodër tek disa nga gazetarët që mbulojnë aktivitetin e Ramës, tek Partia Socialiste e Shkodrës dhe deputetët e saj.
PD u bën thirrje mediave të publikojnë mesazhet e shpërndara nga kryeministria, të jenë në lartësinë e misionit të tyre për të informuar publikun me vërtetësi dhe paanshmëri.
Propaganda bajate nuk e mbulon dot as frikën e Ramës as nga shqiptarët, as faktin se, në çoroditje e sipër nga protesta e shkodranëve, gazetarët e Vlorës u lajmëruan me urgjencë nga Bashkia për praninë e Ramës në ceremoni vetëm 10 minuta para nisjes së saj.
ma.me
